ग्रामपंचायत वळके, ता. रत्नागिरी, जि. रत्नागिरी.

वळके हे निसर्गाच्या सानिध्यात वसलेले एक सुंदर गाव आहे. येथील शांत आणि साधे जीवन, हिरवीगार शेती आणि नैसर्गिक सौंदर्य हे या गावाचे वैशिष्ट्य आहे. हे गाव रत्नागिरी जिल्ह्याचा एक अविभाज्य भाग असून, ग्रामीण भागातील जीवनशैलीचे उत्तम उदाहरण आहे.  गावाच्या पूर्वेला वाहणारी बावनदी आहे. वळके गावात उमेद ग्रामीण जीवनोन्नत्ती अभियान आल्यापासून येथील महिला सक्षमीकरणास चालना मिळाली आहे. कुक्कुटपालन व्यवसायामुळे वळके गावाला एक वेगळी ओळख निर्माण झाली आहे.

गावातील प्रत्येक कुटुंबाला शुद्ध पाणीपुरवठा, रस्ते, वीज, आरोग्य, शिक्षण, स्वच्छता, कचरा व्यवस्थापन, हरितीकरण, सामाजिक सुरक्षा आणि रोजगाराच्या संधी उपलब्ध करून देणे हे ग्रामपंचायतीचे प्रमुख उद्दिष्ट आहे. गावातील सर्वांगीण विकासासाठी विविध विभागांच्या योजनांचा अंमल ग्रामपंचायतीमार्फत स्थानिक पातळीवर केला जातो.

ग्रामपंचायत वळके ही स्थानिक स्वराज्य संस्था गावाच्या सर्वांगीण विकासासाठी कार्यरत आहे. गावातील नागरिकांना पाणीपुरवठा, स्वच्छता, रस्ते, वीज, आरोग्य, शिक्षण व इतर मूलभूत सुविधा उपलब्ध करून देणे हे ग्रामपंचायतीचे प्रमुख उद्दिष्ट आहे.

स्वच्छ, सुंदर व हरित वळके गाव घडविण्यासाठी ग्रामपंचायतीमार्फत विविध विकासकामे व शासकीय योजना राबविण्यात येतात. प्रधानमंत्री ग्रामीण आवास योजना, रोजगार हमी योजना, स्वच्छ भारत मिशन, महिला व बालकल्याण उपक्रम, तसेच सामाजिक व आर्थिक प्रगतीसाठीचे विविध उपक्रम यशस्वीपणे गावात अंमलात आणले जातात.

गावातील लोकप्रतिनिधी व नागरिक यांच्या सक्रिय सहभागातून ग्रामपंचायत वळके ही पंचायतराज व्यवस्थेच्या बळकटीसह सर्वसमावेशक व शाश्वत ग्रामीण विकास साधण्याचे ध्येय बाळगून काम करते.